Depositumskonto

Depositumskonto er ein konto som blir nytta i samband med leige eller utleige av bustad. Eit depositum blir sett inn på kontoen som sikkerheit for leigeforholdet.

Kva er ein depositumskonto?

Når du inngår eit leigeforhold er det vanleg å opprette ein depositumskonto.

Depositumskontoen skal opnast i utleigar sin bank i leigetakaren sitt namn. Innbetalt depositum er sperra, og kontoen kan berre disponerast av leigetakar og utleigar i fellesskap.

Slik opprettar du ein depositumskonto

Depositumskonto kan opprettast i nettbanken. Det er utleigar som startar prosessen med å opprette kontoen i eigen privat nettbank. Begge partar må bruke BankID til å signere avtalen.
Dersom utleigar er eit firma, må ein kontakte banken for å opprette kontoen.

I hovudmenyen i nettbanken vel utleigar «Konto og Kort», klikk så på «Opprette konto» – «Depositum nett» og fyll ut skjema med påkrevd informasjon:

• Leigetakar sitt namn, personnummer, e-post og telefonnummer
• Adressa til utleigeobjektet
• Kopi av leigekontrakt (pdf)
• Etableringsgebyret vil automatisk bli trekt frå den oppgjevne belastningskontoen – betalast av utleigar

Når utleigar har signert kontoavtalen med sin BankID, får leigetakar varsel på SMS og e-post med lenke til signeringsprosess for depositumskontoen. Leigetakar loggar inn med BankID, stadfestar at avtalen er lest og forstått og signerer deretter avtalen.

Reglar for depositumskonto

Depositumsbeløpet kan ikkje overstige seks månadars husleige. Leigetakar eig kontoen og får rentene. Kontoen er sperra slik at korkje leigetakar eller utleigar kan ta ut pengane utan samtykke frå den andre. Leigetakar må vere over 18 år.

Avslutning av depositumskonto

Når leigeforholdet opphøyrer, frigir utleigar depositumskontoen frå nettbanken sin*, og den vert gjort om til ein vanleg brukskonto for leigetakar. Leigetakar vil få melding om at kontoen er frigitt.

*Skal berre deler av beløpet frigjevast, må banken kontaktast.