Depositumskonto

Depositumskonto er ein konto som blir nytta i samband med leige eller utleige av bustad. Eit depositum blir sett inn på kontoen som sikkerheit for leigeforholdet.

Kva er ein depositumskonto?

Depositumet tener som trygd for husleige eller eventuelle skadar som vert påført bustaden.

Depositumskontoen skal opnast i utleigar sin bank, men skal stå i leigetakaren sitt namn. Depositumsbeløpet som er avtalt og innbetalt på kontoen er sperra, og kan berre disponerast av leigetakar og utleigar i fellesskap.

Slik opprettar du ein depositumskonto

Depositumskonto kan opprettast i nettbanken. Det er utleigar som startar prosessen med å opprette kontoen i eigen privat Depositumskonto kan opprettast i nettbanken. Det er utleigar som startar prosessen med å oppretta kontoen i sin nettbank. For å oppretta depositumskonto i nettbanken må utleigar vera ein privatperson. Dersom utleigar er eit firma, må banken kontaktast for å oppretta kontoen.

Utleigar vel Opprette konto i hovudmenyen, og fyller ut skjema med påkravd informasjon om leigetakaren:

• Namn
• Fødsels- og personnummer
• E-post og telefonnummer

I tillegg må fylgjande informasjon fyllast ut/leggjast ved:

• Kopi av leigekontrakt (pdf)
• Adressa til utleigeobjektet

NB! Om leigetakar ikkje er kunde i Luster Sparebank frå før så må leigetakar legge seg opp før han/ho kan signere kontoavtalen utleiger har laga. Dette gjer ein ved å gå til heimesida til Luster Sparebank trykk MENY –  Bli kunde og fyll ut skjemaet. Leigetakar vil bli kontakta når skjemaet er innsendt for videre oppretting.

Når utleigar har signert kontoavtalen med sin BankID, får leigetakar varsel på SMS og e-post med informasjon om depositumskontoen. Leigetakar brukar BankID for å signere avtalen. Avtalen finn dei under Logg inn – esignering. 

NB! Om leigetakar ikkje er kunde i Luster Sparebank frå før så må hen legge seg opp før hen kan signere kontoavtalen utleiger har laga.

Depositumskontoen vert no oppretta i leigetakar sitt namn, og tilgjengeleg i leigetakar og utleigar sine nettbankar i Luster Sparebank. Kontoen vil stå i minus til leigetakar har betalt inn det avtalte depositumsbeløpet til kontoen.

Reglar for depositumskonto

Depositumsbeløpet kan ikkje overstiga seks månaders husleige. Leigetakar eig kontoen og får rentene som eventuelt vert godskrive kontoen. Kontoen er sperra slik at verken leigetakar eller utleigar kan ta ut pengane utan samtykkje frå den andre. Utleigar kan sjå kontoen i sin nettbank.

Leigetakar må vera over 18 år.

Avslutning av depositumskonto

Når leigeforholdet opphøyrer, frigir utleigar depositumskontoen frå nettbanken sin. Kontoen vert då gjort om til ein vanleg bankkonto for leigetakar. Leigetakar vil få melding om at kontoen er frigitt.

Utleigar kan frigi heile eller deler av det innbetalte dpositumsbeløpet på depositumskontoen.