Overføring utland
Du kan betale rekningar eller overføre pengar til utlandet i nettbanken eller mobilbanken din. Bruk kalkulatoren under for å finne ditt IBAN-nummer.
SWIFT-koden til Luster Sparebank er DNBANOKK.
IBAN-kalkulator
Betaling til utlandet
For at du skal kunne gjere ei betaling til utlandet treng du desse opplysningane:
- Fullstendig namn og adresse til mottakar
- Mottakarbanken sin SWIFT-/BIC-kode
- IBAN-nummer og banksamband til mottakar
IBAN/kontonummer finn du som regel på fakturaen, saman med andre betalingsopplysningar. Dersom du ikkje har desse opplysningane, må du kontakte mottakar eller mottakaren sin bank for å få tak i desse.
For at du skal kunne sende pengar til utlandet må nettbanken din først vere opna opp for dette.
Betaling frå utlandet
For at du skal motta eit pengebeløp frå utlandet treng avsendar desse opplysningane:
- Namnet og postadressa di
- IBAN-nummeret ditt
- BIC/SWIFT-adresse: DNBANOKK
IBAN-nummeret finn du på kontoutskrifta di, eller du kan finne det ved å bruke IBAN-kalkulatoren under. Nokon land krev IBAN, medan i nokon land er det valfritt.
Varsel om overføringar til utlandet grunna den pågåande konflikten i Ukraina.
Klikk her for å lese meir
Treng du hjelp med betaling til utlandet?
Ofte stilte spørsmål
Kva er IBAN, og korleis finn eg mitt IBAN-kontonummer?
IBAN står for International Bank Account Number, og er ein internasjonal standard for bankkontonummer. Innanfor for EU og EØS-området må IBAN brukast ved betaling til og frå utlandet.
Ved hjelp av IBAN-kalkulator kan du finna IBAN-kontonummeret til aktuell konto.
IBAN-kontonummer finn du også på kontoutskrifta di.
Kor lang tid tek det før mottakaren får pengane?
Ordinære betalingar innanfor EU / EØS-området tek normalt frå 2 til 4 bankdagar. Ordinære betalingar til resten av verda tek normalt frå 2 til 8 bankdagar.
Hastebetaling innanfor EU / EØS-området tek normalt frå 0 til 2 bankdagar. Hastebetaling til resten av verda tek normalt frå 2 til 8 bankdagar.
Til enkelte land kan det ta inntil 15 dagar eller meir før betalinga er framme.
Ta kontakt med oss dersom du har spørsmål om betaling til utlandet.