Lag og organisasjonar

Har du verv i eit lag eller i ein organisasjon?Me kan hjelpe deg med konto, kort og smarte betalingsløysingar.

Me er ein samfunnsengasjert bank, som hjelper deg med å drive laget eller organisasjonen din på den beste måten.

Opprette konto

Alle lag og foreiningar må først ha eit organisasjonsnummer. Dette får ein ved å registrere seg i Brønnøysundregisteret.

Kontoen oppretter de på organisasjonsnummeret tildelt frå Brønnøysundregisteret.

Styret må vere registrert i Brønnøysundregisteret og me tilrår å registrere signaturrett/prokura, elles må heile styret signere på avtalane de ynskjer å inngå. Banken har høve til å gjere elektronisk oppslag mot registeret, så de treng ikkje å ta med utskrift.

Den/dei som skal disponere kontoen må legitimere seg enten med BankID eller pass dersom ein ikkje er kunde i banken frå før av. Kontoen blir tilgjengeleg i disponenten sin private nettbank. De vil her få oversikt over inn- og utbetalingar og bilaga vil ligge under arkiv.

Kort

Det er mogleg å knyte kort til din lags- eller organisasjonskonto, men kortet må vere knytt til ein disponent.

Visa Classic er eit betalingskort utan kreditt knytt til din bedriftskonto. Dette kan nyttast i Norge, i utlandet og på nett.

Endre disponent

Hugs å oppdatere opplysningane i Brønnøysundregisteret ved endring i styret. Dette må gjerast før ein endrar disponent på kontoen i banken.

Dersom endringa er under registrering, kan banken i nokre tilfelle godta kopi av signert møtebok/årsrapport der det kjem fram kven som er medlemar av nytt styre.

Den nye disponenten, samt styret eller den med signaturrett/prokura må signere avtalen om å opprette disponent.

Brønnøysundregisteret har til ei kvar tid oppdatert informasjon om korleis ein kan registrere nye lag og organisasjonar, og korleis ein kan endre opplysningane der.