Misbruk av BankID – ansvar, risiko og trygg hjelp i kvardagen

Misbruk av BankID er meir utbreidd enn mange er klar over. Når BankID blir brukt av andre enn eigaren, kan det få alvorlege konsekvensar.

BankID er ei personleg elektronisk legitimasjon, og all bruk blir rekna som handlingar utførte av den som eig BankID-en. Det gjeld uavhengig av om bruken var meint som hjelp, eller av andre intensjonar.

BankID på avvege kan få store konsekvensar

BankID blir brukt til innlogging og signering av juridisk bindande handlingar, som betalingar, lånesøknader og tilgang til personlege opplysningar. Å dele BankID, passord eller kodebrikke inneber å gi andre tilgang til eigen identitet. Dette er ikkje tillate, heller ikkje innan familie eller nære relasjonar.

I tilfelle der BankID blir misbrukt, kan konsekvensane bli store for kontoeigaren. Det kan vere vanskeleg å rette opp økonomiske tap, og banken kan sperre BankID medan forholdet blir undersøkt. Bankar har system og rutinar som kan avdekkje uvanleg bruk, og misbruk kan bli oppdaga også i ettertid.

Slik gir du trygg tilgang

Samtidig er det mange som har reelt behov for hjelp med digitale banktenester. Det kan vere eldre, personar med redusert digital kompetanse eller andre som ønskjer støtte i kvardagen. I slike situasjonar finst det tryggare og ryddige løysingar.

Ved å gi fullmakt, til dømes disponentfullmakt, kan ein annan person få avgrensa tilgang til kontoar for å betale rekningar, overføre pengar og følgje med på saldo. Den som hjelper, brukar då si eiga BankID, og ansvaret er klart definert.

Me rettleier deg gjerne

Dette gir nødvendig hjelp utan å utsetje kontoeigaren for unødig risiko, og utan å opne for misbruk av identitet.

Banken kan gi rettleiing om kva for fullmakter som passar best, basert på behov og livssituasjon.