BankID-app

BankID-appen er like trygg som ei fysisk kodebrikke og er gratis å bruke.

Raskt og enkelt

BankID-appen er raskare og enklare enn ei fysisk kodebrikke.

Mobil kodebrikke

Du slepp å bære rundt på kodebrikka dersom du har BankID-app. I staden vil du få opp eit varsel på mobilen din.

Gratis

BankID-app er gratis å bruke for alle.

Kom i gang med BankID-app

Når du har lasta ned BankID-appen må du aktivere denne. Du kan aktivere appen på fleire måtar:

Mobilskjerm som viser at BankID-appen er aktivert. — Sjekk fana med namn «BankID» om appen din er aktivert og klar til bruk.

BankID med kodebrikke – sjå rettleiing
Kodar på SMS og e-post – sjå rettleiing
Med gyldig norsk pass eller ID-kort m/RFID – sjå rettleiing for pass her eller for ID-kort her.

Når du har lasta ned og appen er installert, trykk på valget «BankID» nede på skjermen og føl aktiviseringstrinna og rettleiinga.

Det er ein fordel å tillate varslingar på telefonen din, slik at du raskt får godkjent førespurnader om innlogging, transaksjonar eller signeringar frå appen.

Første gang du brukar BankID-appen eller ved bruk i ny nettlesar, klikk på «BankID» og «Vel annan BankID» for å nytte BankID-appen.

Kan eg kaste kodebrikka når eg får BankID-app?

Nei, sjølv om du kan klare deg med BankID-app i det daglege, er det viktig å ha kodebrikka i bakhånd. Skal du laste ned BankID-appen på ein ny telefon, må du også logge inn med BankID og kodebrikke for å aktivere appen på nytt.

Det blir jobba med forenkling av BankID, kodebrikke og passord, slik at du i framtida ikkje lenger vil trenge kodebrikke.

Treng du hjelp med BankID?

Ofte stilte spørsmål

Slik kjem du i gang med BankID-appen

Du treng først ei avtale om BankID for å nytte deg av denne appen.

Last ned BankID-app for iPhone eller Android. Du må ha IOS 11 / Android 6 eller nyare.
Aktiver appen. Du vel sjølv om du vil aktivere med BankID, BankID på mobil eller kodar tilsendt på SMS og E-post
Tillat varslingar. Dersom du tillèt varslingar, blir det enklare når du brukar BankID.
Merk at appen kan kun brukast på ein telefon/eining om gangen.

Første gang etter aktivering må du velje appen som metode. Du kan alltid endre dette seinare under valet «Vel annan BankID».

Slik loggar du inn med BankID-app

1. Vel BankID, ikkje BankID på mobil, og skriv inn ditt fødselsnummer.

2. Vel BankID-app som metode

3. Godkjenn varsel på telefonen, «Ja, det er meg».

4. Avslutt ved å skrive inn ditt BankID-passord.

I løpet av hausten vil det bli mogleg å logge inn ved å bruke ansiktsgjenkjenning, fingeravtrykk eller PIN-kode.

Tips:

Første gang etter aktivering må du velje appen som metode. Du kan alltid endre dette seinare under valet «Vel annan BankID».
Har du ein iOS-eining kan du godkjenne ved å gjere eit «longpress»/halde inne varselet. Då kjem vala «Ja, det er meg» og «Nei, avvis» opp.

Eg har gløymt BankID-passordet, kva gjer eg?

Du kan opprette nytt passord sjølv ved å:
- Gå til innlogging i nettbanken, velje BankID som metode og trykke på «Gløymt passord»
- Identifiser deg via kontrollspørsmål
- Opprett nytt personleg passord

Du kan også ta kontakt med oss i banken så hjelper me deg med nytt passord.

Eg har aktivert biometri, men blir framleis spurt om BankID-passord

BankID med biometri (ansiktsgjenkjenning eller fingeravtrykk) vil bli tilgjengeleg hos fleire og fleire brukarstadar i tida framover. Medan utrullinga pågår, må du framleis i mange tilfeller bruke passord.

Der det er behov for høgt sikkerheitsnivå, så må du i framtida også alltid bruke BankID-passordet. Typisk er dette når du skal sjekke helseopplysningar, signere lånedokument eller handle for eit større beløp. I desse tilfella er det ikkje tilstrekkeleg med BankID biometri.

Det er opp til den enkelte brukarstaden å velje kva for sikkerheitsnivå dei ynskjer å ta krevje, og kva innloggingsmetodar som skal vere tilgjengeleg for deg.

Korleis sperrar eg min BankID?

Har du mistanke om at passord, kodebrikke og/eller telefon med BankID-app er på avvege, skal BankID sperrast så snart som råd.

Les meir her om sperre kort, BankID og andre tenester.

Kva bør eg gjere dersom telefonen blir stjåle?

Kontakt banken eller sperretjenesta for å sperre BankID-appen (og biometri).

Aktiver deretter BankID-appen på ny eining med kodebrikka di.

Kan barn eller ungdom få BankID?

Me tilbyr BankID også for kundar mellom 13 og 18 år.

For å få BankID må foreldre/verge godkjenne bestillinga.

Ta kontakt med vårt kundesenter for å komme i gang

Kan eg kaste kodebrikka når eg har BankID-app?

Nei, i enkelte tilfeller kan du få bruk for kodebrikka, så ta godt vare på den!

Skal du til dømes laste ned BankID-appen på ein ny telefon, må du ofte også logge inn med BankID og kodebrikke for å aktivere appen på nytt. Du treng kodebrikka også for å logge inn i nettbanken utan BankID.

Eg får ikkje opp BankID-app som eit alternativ

Du må velje BankID og ikkje BankID på mobil når du skal logge inn med app.

Når du loggar inn første gang med app, vel du app som metode: klikk på «Velg annen BankID» under feltet for eingangskode. Så vel du ønska kodeapp i lista, trykker deg vidare og føl instruksjonane på mobilen din.

Slik flyttar du BankID-app til ny telefon

Dersom du har BankID-app treng du ikkje kodebrikka for å aktivere app når du byttar telefon. Du kan enkelt ordne dette utan kodebrikka slik:

1. Last opp BankID-app på ny telefon.

2. Aktivér BankID-app på ny telefon med BankID-appen på din gamle telefon. Vel «Kodebrikke» når du skal aktivere, og hugs at du må ha internett på begge telefonane.

3. No er BankID-appen klar på din nye telefon.

Kan eg ha BankID-appen aktiv på fleire einingar? (mobil og nettbrett)

Av omsyn til sikkerheit så støttar BankID-appen kun ei eining (telefon, nettbrett) om gangen, og appen blir kun knytt til ein person sin BankID.

Dersom du aktiverer appen på ei ny eining så vil BankID-appen på den forrige eininga bli deaktivert.

Kva vil det koste meg å bruke BankID?

Å bruke BankID med kodebrikke eller app er heilt gratis.

Kan eg aktivere BankID-app med utenlandsk mobilabonnement?

Nei, du må ha eit norsk mobilnummer for å aktivere appen.

Korleis skrur eg av BankID med biometri?

For å deaktivere biometri i BankID-appen må du kontakte banken.

Dersom du kun skrur av ansiktsgjenkjenning/fingeravtrykk på telefonen vil BankID med biometri framleis fungere, men kun med PIN-kode. Dette er ikkje nok for å deaktivere/Sperre BankID med ansiktsgjenkjenning/fingeravtrykk på, det må du gjere ved å kontakte oss.

Kva om nokon andre har tilgang på min mobil/nettbrett?

Om du gir andre tilgang via PIN-kode eller biometri til mobilen/nettbrettet ditt, så vil dei også kunne opptre på vegne av deg.

Deler du telefon eller ei anna eining med nokon, bør du vere ekstra varsom og alltid bruke BankID med passord (ikkje BankID med biometri).

Dette gjeld for mange appar der du kan betale, slik som Vipps, Apple Pay, Google Pay, Ruter etc.

Appen gir null respons etter at eg har fylt ut fødselsnummer

Mest sannsynleg er varslingar slått av på mobilen din.

Opne BankID-appen og slå på varslingar ved å trykke på meldingen som ligg på heim-skjermen. Då får du ein snarveg inn i appen kvar gang du skal godkjenne ein forespørsel.

Kva gjer eg dersom andre har fått tak i passord, mobil eller kodebrikka mi?

Har du mistanke om at passord, mobil eller kodebrikke er på avvege, skal BankID sperrast.

Les meir her om sperre kort, BankID og andre tenester.

Du finn meir informasjon og fleire ofte stilte spørsmål om BankID her.