Har du fått skattemeldinga? Dette er nytt i år!
I skattemeldinga blir lån som du har i lag med andre fordelt likt mellom dykk.
Det vil seie at om de er to personar som har lån i lag får de no oppgjeve 50% av lånet kvar. Er de tre personar får de kvar 33,3% og så vidare. Rentene er også fordelt likt. De kan sjølv endre fordelinga i skattemeldinga.
Slik endrar de fordelinga
De kan sjølv endre fordelinga av lånet i skattemeldinga ved å endre feltet «Min andel av lån og renter (i prosent)»
Døme: Dersom du skal ha 70% og samskuldnaren din skal ha 30%, aukar du din andel av lånet frå 50% til 70%. Samskuldnaren din må redusere sin andel frå 50% til 30%.
Hugs at begge må endre skattemeldinga si, og at andelane til saman må vere 100%.
Har de spørsmål?
Ta kontakt med Skatteetaten på telefon 800 80 000 eller via Skatteetaten sitt kontaktskjema. Du finn meir informasjon på Skatteetaten sine nettsider.