Trygg kortbruk i kvardagen
Med gode rutinar reduserer du risikoen for misbruk og svindel. Her får du nokre gode råd for kvardagsbruk, reiser og netthandel.
Godt kortvet med små grep
Dette bør du alltid hugse på når du brukar bankkortet ditt:
- Lær deg PIN-koden utenat og del den aldri med andre.
- Skjul PIN-kode ved inntasting. Pass opp for monterte kamera eller skimmingsutstyr på minibankar og terminalar.
- Ver skeptisk mot «gode hjelparar» ved minibankar.
- Vel kjende betalingsløysingar når du handlar på nettet.
- Føl med på transaksjonane dine i mobil- eller nettbank.
- Bruk regionsperre når du ikkje er på reise.
Når du handlar på nettet
Bruk nettbutikkar som støttar 3D Secure / Verified by Visa.
Usikker nettbutikk? Søk etter erfaringar og sjå Forbrukartilsynet sine råd mot falske nettbutikkar.
Styr unna spørjeundersøkingar og skjema som ber om kortinformasjon eller PIN.
Mistenkjer du svindel?
Kortbruk i utlandet
Med nokre enkle grep får du betre kontroll på betalingane dine på reise.
- Åpne regionsperra, dette fiksar du enkelt i nettbanken.
- Betal i lokal valuta, enten du er i minibank eller butikk.
- Sjølv om du brukar mobilbetaling kan det vere lurt å ha med fleire kort. Oppbevar ikkje alle korta samla, i tilfelle lommeboka skulle kome på avvege.
- Ta vare på kvitteringar og kontroller beløpa i mobil- eller nettbank.
- På reise kan det lønne seg å bruke kredittkort. Då går ikkje pengane rett frå kontoen din og du kan ha fleire rettigheiter ved sjukdom og uforutsette hendingar. Les meir om vårt kredittkort her.
Mistenkjer du at nokon har fått tak i PIN-koden din eller du har mista kortet ditt?
Dersom du har ukjende transaksjonar på kortet eller du ikkje har motteke vara eller tenesta du har betalt for, kan du reklamere på kjøpet.