Logg deg inn i Nettbanken på vanleg måte og trykk Aksjehandel i venstremenyen.  Du får då tilgang til:

• Handel i aksjar, ETF’ar, eigenkapitalbevis, teikningsrettar, warrants og finansielle sertifikat på Oslo Børs og Oslo Axess
• Handel i unoterte aksjar på OTC-lista i Norge
• Integrerte kjøps- og salgstilrådingar, analysar og marknadsrapportar
• Realtidskursar og porteføljeoversikt
• Nyheiter frå Oslo Børs, Hugin m.v.

ENKEL REGISTERING FOR DEG SOM IKKJE HAR HANDLA AKSJAR FØR:

1.     Logg deg på i Nettbanken

2.     Vel Aksjehandel

3.     Bli Kunde – Registrer deg

Når kundeforholdet er oppretta får du ein e-post.

Norne Securities er eit verdipapirforetak underlagt konsesjon av Finanstilsynet til å tilby følgjande investeringstenester:

• mottak og formidling av ordre på vegne av kunde i samband med eitt eller fleire finansielle instrument som definert i vphl § 2-2
• utføring av ordre på vegne av kunde
• omsetning av finansielle instrument for eiga rekning
• investeringsrådgjeving som definert i vphl § 2-4 første ledd
• plassering av offentlege tilbod som nemnt i vphl kapittel 7, plassering av emisjonar, samt garantistilling for fullteikning av emisjonar eller tilbod om kjøp av finansielle instrument.

Aksjesparekonto

No kan du opna aksjesparekonto hjå oss

DU KAN OPNA AKSJESPAREKONTO HER

Luster Sparebank tilbyr no aksjesparekonto gjennom samarbeidspartnaren vår, Norne Securities AS. Aksjesparekonto er i første omgang aktuell for deg som har aksjar. I god tid før årsskiftet vil tenesta også omfatta aksjefond

Når du har din aksjesparekonto i Luster Sparebank får du enkel tilgang til fond og aksjar i nettbanken.Med aksjesparekonto kan du flytta pengane dine mellom ulike aksjefond eller enkeltaksjar utan at du må betala skatt på vinsten før du tek ut pengane.  Du kan også ta ut investert beløp frå aksjesparekontoen og halda fram med å investera avkastninga utan å betala skatt. Dette gjeld både for aksjar og aksjefond.

Ordninga med aksjesparekonto vart vedteke i Statsbudsjettet for 2017. Reglane blir gjort gjeldande frå 1. september 2017.
Slik gjer du det:
Prosedyren for aksjesparekonto er todelt: Først etablerer du sjølve kontoen. Etter det vel du kva aksjar, og seinare fond; som skal overførast til aksjesparekontoen. Når du vel kva aksjar som skal overførast, tilrår me at du vurderer følgjande:
Ved overføring av aksjar og aksjefond til aksjesparekonto, blir skjermingsfrådraget for 2017 rekna ut frå det lågaste inneståande volumet. Det betyr at du bør overføra alle kvalifiserte verdipapir samtidig. Har du stor behaldning av fond, bør du venta med overføring til aksjesparekonto til  med har opna for aksjefond.
Dersom du har aksjepostar med urealisert tap, kan dei haldast utanfor aksjesparekontoen. Det er skattemessig gunstig å realisera eventuelle tap i 2017, og deretter overføra kontantbeløpet til aksjespareordninga. Tilsvarande gjeld for aksjefond.
Dersom du har urealiserte vinstar, gjer ei gunstig overgangsordning at du fram til 31. desember 2017 kan flytta aksjane og aksjefonda inn på aksjesparekonto utan at det utløyser skatt. Overgangsordninga kan bli utvida til å gjelda heile 2018.  Dette kan påvirka kva tidspunkt ein bør velja for å overføra postar til aksjesparekonto.