Straksbetaling

Med straksbetaling kjem pengane umiddelbart til mottakars konto, sjølv om du og mottakar ikkje har same bank.

Om straksbetaling

Straksbetaling er ei betalingsteneste der pengane kjem inn på mottakars konto straks betalinga er gjennomført.

• Beløp opp til kr. 500 000,-
• Straksbetaling fungerer også i helgar og heilagdagar
• Merk at mottakarbank må ha opna opp for mottak av straksbetaling
• Straksbetaling kan utførast ved betaling med melding, men ikkje med KID-nummer
• Ved større beløp er dette eit godt alternativ til Vipps

Kjøper du til dømes ein bruktbil eller ein båt, kan mottakar få pengane inn på sin konto med ein gang. Det kan vere betryggande for både kjøpar og seljar å sjå at pengane kjem inn på konto.

Ei vanleg betaling i mobilbank eller nettbank vil normalt på kvardagar gå til fem faste tidspunkt. Med straksbetaling vil du betale umiddelbart og pengane kjem inn på mottakars konto der og då.

Slik gjennomfører du ei straksbetaling

• Logg inn i nettbanken din og gå til betale
• Skriv inn kven som skal motta pengane som vanleg
• Dersom mottakar sin bank kan ta imot straksbetaling, vil boksen nedanfor for straksbetaling dukke opp
• Set hake i ruta for å nytte straksbetaling
• Fyll inn resterande informasjon om betalinga og stadfest betalinga
• Mottakar disponerer pengane umiddelbart på sin konto